პარტია დროას ლიდერი, ელენე ხოშტარია ტელეკომპანია ფორმულას სოლიდარობას უცხადებს. მისი თქმით, მსგავსი გამოწვევის წინაშე მარტო არც ერთი მედია არ დარჩება და თუ საჭიროა, მათ ინტერესებს ფიზიკურადაც დაიცავს.

"ნამდვილად ძალიან საამაყოა, რომ ჩვენს ქვეყანას ჰყავს ასეთი ჟურნალისტები, რომლებსაც საკუთარი ჯანმრთელობის, უსაფრთხოების ფასად უწევთ ჩვენი ქვეყნის თავისუფლების ინტერესების დაცვა. [...] თუ საჭირო იქნება, ფიზიკურადაც დავიცავთ ამ ტელევიზიას, იმიტომ, რომ დღეს ჟურნალისტებზე გადის ამ ქვეყნის აბსოლუტურად ყველა მოქალაქის თავისუფლება", — აცხადებს ხოშტარია.

დღეს, 30 სექტემბერს, თავდაცვის სამინისტრომ ყოფილი მინისტრისა და ტელეკომპანია ფორმულას დამფუძნებლის, დავით კეზერაშვილის მიმართ სასამართლოში სარჩელი შეიტანა. სამინისტროს განცხადებით, ისინი თავდაცვის უწყების მიმართ "დანაშაულებრივი ქმედებით მიყენებული ზიანის" ანაზღაურებას ითხოვენ.

დღესვე ტელეკომპანია ფორმულაში თემაზე საგანგებო ბრიფინგი გაიმართა. ფორმულას დირექტორის, ზურაბ გუმბარიძის განცხადებით, დავით კეზერაშვილის წინააღმდეგ შეტანილი სარჩელი მედიის წინააღმდეგ არსებული კამპანიის ნაწილია. გუმბარიძე არ გამორიცხავს მედიასაშუალების ქონების დაყადაღებასაც.

გაიგე მეტი: