საქართველოს საგანგებო და სრულუფლებიანმა ელჩმა საუდის არაბეთში გიორგი ჯანჯღავამ, ბაჰრეინის სამეფოში ვიზიტის ფარგლებში Gulf Air-ის მთავარ ოფისში შეხვედრა გამართა ავიახაზების დირექტორსა და აღმასრულებელ მმართველ გუნდთან.

ამის შესახებ, საგარეო საქმეთა სამინისტრომ განცხადება გაავრცელა, სადაც წერია, რომ მხარეებმა Gulf Air-ის მიერ მანამადან თბილისში პირდაპირი რეისების განხორციელების საკითხი განიხილეს, ავიარეისების დაწყების ლოგისტიკურ დეტალებსა და ისაუბრეს შემდგომ თანამშრომლობაზე ისაუბრეს.

საგარეო უწყების ინფორმაციით, პირდაპირი ფრენები ხელს შეუწყობს საუდელი ტურისტების მიმოსვლას საქართველოში, ასევე ხელს შეუწყობს საქართველოს, როგორც ტურისტული დანიშნულების ქვეყნის პოპულარობას და საქართველოში სპარსეთის ყურის რეგიონის ქვეყნების ცნობადობის გაზრდას, რაც თავის მხრივ გააღრმავებს თანამშრომლობას GCC-ს (ყურის თანამშრომლობის საბჭო) რეგიონის ქვეყნებსა და საქართველოს შორის.

Gulf Air თბილისში პირდაპირ ფრენებს მიმდინარე წლის 22 ივნისიდან იწყებს და რეგულარული ფრენები მანამას საერთაშორისო აეროპორტიდან თბილისის საერთაშორისო აეროპორტის მიმართულებით კვირაში სამჯერ განხორციელდება.

Gulf Air სპარსეთის ყურის უმსხვილესი რეგიონული გადამზიდავი კომპანიაა, რომელიც 27 ქვეყნის 44 ქალაქს ემსახურება.

Gulf Air-ის ხელმძღვანელობამ ელჩს ინფორმაცია მიაწოდა ავიაკომპანიის ჟურნალი Gulf Life-ში საქართველოს შესახებ გამოქვეყნებული ვრცელი სტატიის თაობაზე - Colours of Tbilisi – perfect place to be, რომელიც ავიახაზების თვითმფრინავის ბორტზე ვრცელდება.