ამერიკის კინოაკადემიის ჯილდო "ოსკარზე" საქართველოს რეჟისორ ლევან კოღუაშვილის ფილმი "გურია" წარადგენს — ინფორმაციას კულტურის სამინისტრო ავრცელებს.

მათივე ცნობით, ფილმი სპეციალურმა კომისიამ ეროვნული არქივის კინოთეატრში, ფარული კენჭისყრის შედეგად გამოავლინა. ეროვნული კინოცენტრის მიერ გამოცხადებულ კონკურსში 5 ფილმი მონაწილეობდა:

• "მთვარე მამაა ჩემი" — რეჟისორი გიორგი ოვაშვილი;
• "ფაზა" — რეჟისორი ნინო ბასილია;
• "გააზიარე სიყვარული" — რეჟისორი ნიკოლოზ ხომასურიძე;
• "მეორეხარისხოვანი როლი" — რეჟისორი ანა ურუშაძე;
• "გურია" — რეჟისორი ლევან კოღუაშვილი.

ლევან კოღუაშვილის ფილმი გიორგი კეკელიძის "გურული დღიურების" ინსპირაციით შეიქმნა. 2019 წელს რეჟისორმა ფილმის გადასაღებად ეროვნული კინოცენტრის დაფინანსება მოიპოვა, ხოლო გადაღებები 2023 წელს დაიწყო.

ფილმი 2027 წლის "ოსკარის" 99-ე დაჯილდოებაზე საერთაშორისო სრულმეტრაჟიანი ფილმის ნომინაციაში საქართველოს კანდიდატად იქნება წარდგენილი.