საქართველოს მე-5 პრეზიდენტი სალომე ზურაბიშვილი თბილისში აფხაზი ბლოგერის, დაურ ბუავას სამოქალაქო პანაშვიდზე მივიდა. მისი განცხადებით, დაურ ბუავას გარდაცვალებას დღეს მთელი საქართველო გლოვობს, რადგან "სწორედ ასეთი ახალგაზრდები სჭირდება ქვეყანას რომ მომავალი ავაშენოთ".

"იყო წარმომადგენელი და სიმბოლო სწორედ იმ აფხაზეთის და იმ საქართველოსი, რომლებსაც აქვთ ერთიანი მომავალი. და ამით იყო ძალიან დიდი, თუნდაც ძალიან ახალგაზრდა, მაგრამ უკვე სრულიად ჩამოყალიბებული თავისი მომავლის მოსაზრებით. დღეს მთელი საქართველო არის ჭირისუფალი და უნდა იყოს ჭირისუფალი, იმიტომ, რომ ასეთი ახალგაზრდები გინდაც აფხაზეთის მხრიდან, საქართველოს მხრიდან ძალიან გვჭირდება იმისთვის, რომ ავაშენოთ ხვალინდელი მომავალი", — ამბობს სალომე ზურაბიშვილი.

აფხაზ ბლოგერ დაურ ბუავას, რომელიც აფხაზეთის საქართველოს შემადგენლობაში დაბრუნებას ემხრობოდა, დღეს დაკრძალავენ. ბუავას გარდაცვალების შესახებ ინფორმაცია 28 აგვისტოს გავრცელდა. პროკურატურის ცნობით, ის მეთადონის მიღების შედეგად გარდაიცვალა. საქმეზე 3 პირია დაკავებული, მათ შორის ერთ-ერთი — უკრაინის მოქალაქე ქალია, რომელსაც დაურ ბუავას განსაცდელში მიტოვებას ედავებიან.

მეტი დაურ ბუავას შესახებ: