დღეს, 3 სექტემბერს, ვაიმარში, ვაიმარის სამკუთხედის ქვეყნების — პოლონეთის, საფრანგეთისა და გერმანიის საგარეო საქმეთა მინისტრები იკრიბებიან, სადაც სხვა საკითხებთან ერთად საქართველოში არსებულ ვითარებასაც განიხილავენ. ინფორმაციას გერმანიის საგარეო საქმეთა სამინისტრო ავრცელებს.

შეხვედრაზე განსახილველი საკითხებია: უკრაინის მხარდაჭერა, რუსეთის მზარდი აგრესია, ახლო აღმოსავლეთსა და საქართველოში არსებულ ვითარება, გლობალურ ეკონომიკური გამოწვევები და ტრანსატლანტიკური ურთიერთობები.

აღსანიშნავია ისიც, რომ ვაიმარის სამკუთხედის თანამშრომლობის ფორმატის შექმნიდან წელს 35 წელი სრულდება.

შეხვედრაში მონაწილეობას მიიღებენ გერმანიის საგარეო საქმეთა მინისტრი იოჰან ვადეფული და მისი ფრანგი და პოლონელი კოლეგები — ჟან-ნოელ ბარო და რადოსლავ სიკორსკი.