გუშინ ღამით მოძრაობა სირცხვილიას ქუთაისის ოფისის ფანჯრის მინები ჩაამსხვრიეს. სირცხვილიას განცხადებით, "აღნიშნული კანონსაწინააღმდეგო აქტი არის ხელისუფლების ძალადობრივი და წამახალისებელი პოლიტიკის გაგრძელებაა, რომელიც ქვეყანაში განსხვავებული აზრის დევნისა და პოლარიზაციის გაღრმავებისკენ არის მიმართული.

"ასევე, ერთი კვირის განმავლობაში ორჯერ განხორციელებული ძალადობრივი აქტი ჩვენი ორგანიზაციის მისამართით აღქმულია, როგორც ჩვენი საქმიანობისთვის ხელის შეშლის მორიგი მცდელობა და პირდაპირი ზეწოლა სამოქალაქო აქტივისტებზე.

"თავდამსხმელების იდენტიფიცირებისა და მათი სამართლებრივი პასუხისმგებლობის დადგენის მიზნით, მოვუწოდებთ შინაგან საქმეთა სამინისტროს დროულად ჩაატარონ შესაბამისი საგამოძიებო მოქმედებები", — აცხადებენ სირცხვილიაში.

შინაგან საქმეთა სამინისტროში On.ge-ს უთხრეს, რომ მომხდარზე გამოძიება სისხლის სამართლის კოდექსის 187-ე მუხლით, რაც ნივთის დაზიანებას ან განადგურებას გულისხმობს.