ანა ესტორი თავის ძაღლს ასეირნებდა, როდესაც ტყეში უცნაური რამ აღმოაჩინა. ღორი მატილდა, რომელიც ნოტინგშეარის ფერმიდან გაიცა, თავის ახალდაბადებულ გოჭებს ძუძუს აწოვებდა.

"მივხვდი, რომ გარეული ღორი არ იყო და ჩვეულებრივ გოჭებს ჰგავდნენ, ძალიან გამიკვირდა, რადგან ზოგადად მათ ტყეში ვერ შეხვდები", — ყვება ანა.

ფოტო: BRINSLEY ANIMAL RESCUE

ის ადგილობრივ ცხოველთა დაცვის ორგანიზაცია Brinsley Animal Rescue-ს დაუკავშირდა, რადგან ჩათვალა, რომ ფერმიდან გამოქცევის შემდეგ, ღორი თავისუფლებას ნამდვილად იმსახურებდა.

ორგანიზაციის წარმომადგენლებმა ცხოველზე ზრუნვა საკუთარ თავზე აიღეს და მას მატილდა დაარქვეს. როგორც ჩანს, მატილდამ 10 გოჭი გააჩინა. როგორც Brinsley Animal Rescue-ს ხელმძღვანელი, ჯონ ბერეზფორდი ამბობს, მას არ შეუძლია ფერმერის თანხმობის გარეშე მატილდას გათავისუფლება, რადგან ეს ქურდობად ჩაითვლება.

ფოტო: BRINSLEY ANIMAL RESCUE

ჯონს სჯერა, რომ მატილდა ფერმიდან გამოიქცა, რათა თავისი შვილები დაეცვა. "თითქოს მასში დედობრივმა ინსტინქტმა გაიღვიძა, ის მხოლოდ შვილების დაცვაზე ფიქრობდა", — განაცხადმა ჯონმა. "ცხვირზე მრგვალი საყურე უკეთია, რაც იმას ნიშნავს რომ ფერმაში საჭმლის მოპოვება თვითონ არ შეეძლო", — ამბობს იგი.

ორგანიზაციის წევრებს მასთან საჭმელიც მიაქვთ, თუმცა შეამჩნიეს, რომ ღორს მხოლოდ შვილები აღელვებს და ის საჭმელს ნაკლებად ეკარება. ორგანიზაციაში იმედოვნებენ, რომ ფერმის პატრონი დათანხმდება მატილდას განთავისუფლებას, რის შემდეგაც მას სპეციალურ დაწესებულებაში გადაიყვანენ, სადაც ის თავის შვილებთან ერთად იცხოვრებს და დაკვლითაც აღარავინ დაემუქრება.