სულაკაურის წიგნის მაღაზიის ქსელი კიდევ უფრო გაფართოვდა და თბილისის მასშტაბით ორი ახალი ფილიალი გაიხსნა. კითხვის მოყვარულებს სასურველი წიგნების შერჩევა ახლა უკვე გლდანი მოლსა და ისთ ფოინთში შეეძლებათ.

ფოტო: სულაკაურის გამომცემლობა

სულაკაურის გამომცემლობამ წიგნის პირველი მაღაზია 2017 წელს გახსნა, მისი ერთგული სტუმრების დამსახურებით კი ქსელად იქცა და დღეს წიგნის 6 მაღაზიას აერთიანებს. მკითხველები ხშირად აღნიშნავენ, რომ მაღაზიებში ყოველთვის მყუდრო გარემო, მეგობრული კონსულტანტები, სიახლეები და საინტერესო შეთავაზებებია. სულაკაურის წიგნის მაღაზიაში აღმოაჩენთ წიგნებს მთელი ოჯახისათვის – მრავალფეროვან საბავშვო თუ საყმაწვილო ლიტერატურას, მაღალმხატვრული ღირებულების თანამედროვე და კლასიკურ პროზას და საგანმანათლებლო და შემეცნებით ლიტერატურას.

ფოტო: სულაკაურის გამომცემლობა

ზაფხულისთვის წიგნების მოსამარაგებლად კი 28-31 მაისს სულაკაურის წიგნის დღეები გაიმართება, რომლის ფარგლებშიც მომხმარებლები 25-30% ფასდაკლებით შეძლებენ წიგნების შეძენას.

ფასდაკლება იმოქმედებს ვებგვერდზე www.sulakauri.ge და სულაკაურის წიგნის მაღაზიებში:

  • ისთ ფოინთი, შადრევნის მიმდებარე ტერიტორია
  • გლდანი მოლი, G სართული
  • სითი მოლი საბურთალო, 1-ლი სართული
  • გალერია თბილისი, -1 სართული
  • ცინცაძის ქუჩა №2
  • ჭავჭავაძის გამზირი №15.

ფოტო: სულაკაურის გამომცემლობა