დღეს 4 საათზე პროკურატურის თანამშრომლები მატროსოვის ციხეში მივიდნენ, ე.წ. ციანიდის საქმეზე დაკავებული დეკანოზი გიორგი მამალაძისთვის ხმის ნიმუშების ასაღებად და დასაკითხად.

დეკანოზის 2 კვირიანი პატიმრობის განმავლობაში ეს იქნებოდა პირველი ჩვენება, რომელიც მას გამოძიებისთვის უნდა მიეცა, თუმცა ის გადაიდო. ექსპერტებმა მხოლოდ ხმის, დეენემისა და კალიგრაფიის ნიმუშები აიღეს.

პროკურატურა აცხადებს, რომ იმ დროში, რაც დღის განმავლობაში იყო დარჩენილი, დეკანოზი მამალაძის დაკითხვა, ვერ მოესწრებოდა, სხვა საგამოძიებო პროცედურების ჩატარებასთან ერთად. შეგახსენებთ, რომ პროკურატურა მატროსოვის ციხეში 1 საათის დაგვიანებით მივიდა.

თავად ადვოკატები აცხადებენ, რომ, პროკურატურამ საგამოძიებო პროცედურების ჩატარება სპეციალურად გააჭიანურა, ისინი მიიჩნევენ, რომ შაბათ-კვირას დეკანოზ მამალაძეზე შესაძლოა ფსიქოლოგიური ზეწოლა განხორციელდეს. ამ დღეებში მათ დაკავებულის ნახვის უფლება არ აქვთ და ომბუდსმენს მიმართავენ, რომ მის მოსანახულებლად მივიდეს.

ადვოკატები აცხადებენ, რომ დეკანოზმა გიორგი მამალაძემ ზეწოლის შედეგად შესაძლოა საერთოდგადაიფიქროს ჩვენების მიცემა. ისინი ასევე მოუწოდებენ პრემიერმინისტრ გიორგი კვირიკაშვილს, აღნიშნული საქმით დაინტერესდეს.

"საფრთხის წინაშე დგას მამა გიორგის სიცოცხლე. მე ვთხოვ, სახალხო დამცველს, უჩა ნანუაშვილს, რომ ხვალ, შაბათს, ასევე ზეგ, კვირას, აუცილებლად ინახულოს მამა გიორგი. ესე უგულებელყოფა და ესე უპასუხისმგებლობა გამოძიების მხრიდან, ესაა ჩემთვის მიუღებელი. დაუყოვნებლივ იყოს მიღებული ყველა ზომები, რომ ის ეჭვი, რაც ჩვენ ჩვენს კოლეგებთან ერთად გვაქვს, რომ მამა გიორგის შეიძლება საფრთხე ემუქრებოდეს, უნდა იყოს აღმოფხვრილი" - აცხადებს მამალაძის ადვოკატი მიხეილ რამიშვილი.

ციანიდის საქმე - მოკლედ.