Why Women Kill (რატომ კლავენ ქალები) სერიალების მოყვარულებში ბოლო დროს დიდი პოპულარობით სარგებლობს და აი, სულ მალე ახალ სეზონსაც ვიხილავთ.

სტრიმინგ სერვისმა Paramount+ სულ ცოტა ხნის წინ 2019 წელს გამოსული ამ სატელევიზიო შოუს მეორე სეზონის პირველი ტრეილერი გამოაქვეყნა და აქედანვე შეგვიძლია ვივარაუდოთ, რომ წინ კიდევ უფრო საინტერესო, დრამატული და დამაინტრიგებელი სანახაობა გველოდება.

რატომ კლავენ ქალები ანთოლოგიის ტიპის სერიალია, რაც იმას ნიშნავს, რომ თითოეული სეზონი ახალი ისტორიისა და განსხვავებული გმირების შესახებ მოგვითხრობს.

მეორე სეზონის ტრეილერითაც დარწმუნდებოდით, რომ სერიალის გაგრძელებაში სულ სხვა პერსონაჟებს გავიცნობთ, რომელთა სიუჟეტური ხაზი 1949 წელს განვითარდება.

სასოწარკვეთილი დიასახლისების შემქმნელების ახალ შოუში მთავარ როლებს ისეთი ცნობილი მსახიობები მოირგებენ, როგორებიც ლანა პარია, ელისონ ტოლმანი, ნიკ ფროსტი და ვერონა ფალკონი არიან.

მეორე სეზონის პრემიერა 3 ივნისს შედგება და ჩვენც სწორედ მაშინ კიდევ ერთხელ გავიგებთ, მაინც რატომ კლავენ ქალები.

ფოტო: Paramount