"გირჩის სამეფოს საპარლამენტო სტუდიაში" მეგრელიშვილმა განაცხადა, რომ მის ფრაზას კვერცხის გატანებზე დიდი გამოხმაურება მოყვა და იქვე აღნიშნა, რომ ამ ბოლო დროს ხალხს "რაღაცნაირად ართობს".

"გუშინ რა ამბავი ატყდა, კვერცხი პოლიციელს გავატანე-მეთქი და ყველანარიად გაიგეს, როგორც შეიძლებოდათ გაეგოთ ეს ფრაზა. რაღაცნაირად ვართობ ხალხს ამ ბოლოს დროს, ასე დავაკვირდი. იმდენ სასაცილო რაღაცეებს წერენ, სურათებს აკეთებენ", — თქვა მან.

გუშინ, 4 მაისს მეგრელიშვილმა განაცხადა, რომ მთავრობის რეგულაციების გამო სასაფლაოზე კვერცხის შეტენა თავად ვერ შეძლო, მაგრამ პოლიციელს გაატანა.

"მე რომ ვიყავი სასაფლაოზე, პოლიციელმა წაიღო ჩემი კვერცხი სასაფლაოზე გასაგორებლად. ისე უხერხულად ვგრძნობდი [თავს], რომ არც პროტესტის სურვილი მქონდა, არაფრის სურვილი არ მქონდა. უბრალოდ, მანქანიდან შემრცხვა რომ გადმოვსულიყავი"

სააღდგომო დღესასწაულების პერიოდში, 2-4 მაისს საფლავებზე მისვლა მთელ ქვეყანის მასშტაბით აკრძალული იყო, ჯარიმა კი 2000 ლარს შეადგენდა.

გაიგეთ მეტი: