ცოტა ხნის წინ ამერიკელმა მსახიობმა, უილ სმიტმა ინსტაგრამზე თავისი ფოტო გამოაქვეყნა, რომელიც ზუსტად აღწერდა პასკების ჭამის შემდეგ ჩვენს მდგომარეობას.

თუმცა, ამით არ შემოიფარგლა და თავისი კიდევ ერთი ფოტოთი გაგვანებივრა, თან სამომავლო გეგმებიც გაგვაცნო:

"ესაა სხეული, რომელმაც პანდემია და სამზარეულოში ძრომიალის დღეები გადამატანინა. მე მიყვარს ეს სხეული, თუმცა ახლა მინდა, რომ უკეთ ვიგრძნო თავი. შუაღამის მაფინების დრო დასრულდა, მორჩა! ჩემი ცხოვრებაში საუკეთესო შედეგი უნდა მივიღო. ჩემი კეთილდღეობისთვის და ჯანმრთელობისთვის YouTube-თან ვითანამშრომლებ, იმედია, გამომივა!"

ტვიტერი მის ახალ ფოტოს აღტაცებული შეხვდა:

"მე პირადად ვფიქრობ, რომ უილ სმიტი ასეთი სექსუალური არასდროს ყოფილა".

"არ ვიცი ინსტაგრამზე რა ნახეთ, მაგრამ უილ სმიტი ამ მამიკოს სხეულითაც უსექსუალურესია".

როგორც ხედავთ, უილ სმიტი პანდემიის დროს მომატებულ კილოგრამებს თავდაჯერებული ხვდება და საკუთარ სხეულსაც რეალურად აფასებს.