კორონავირუსმა ჩვენი სამყარო დრამატულად შეცვალა. ბევრ რამესთან ერთად, შეიცვალა ისიც თუ როგორ ვმუშაობთ და როგორი კომუნიკაცია გვაქვს. თუმცა, დისტანციურ რეჟიმზე გადასავლაში ტექნოლოგიები დაგვეხმარნენ. ამის კარგი მაგალითია Zoom, რომელზეც პანდემიამდე ბევრმა არაფერი იცოდა.

დღეს Zoom-ზე თითქმის ყველას სმენია და მას როგორც ახლობლებთან კომუნიკაციისთვის, ისე სამუშაოდ აქტიურად ვიყენებთ. Zoom წარმატებით მუშაობს როგორც მობილურ მოწყობილობებზე, ასევე პერსონალურ კომპიუტერებზე. თუმცა, Zoom ამით არ დაკმაყოფილდა და სპეციალურად ვიდეოკონფერენციებისთვის 68 სანტიმეტრიანი, სენსორული მონიტორი შემოგვთავაზა.

მონიტორი სპეციალურად Zoom-ის შეხვედრებისთვისაა შექმნილი. მაღალი რეზოლუციის ვიდეოზარებისთვის მონიტორს სამი ფართოკუთხოვანი კამერა და სუფთა ხმისთვის რვა მიკროფონი აქვს.

აღსანიშნავია, რომ მონიტორის ჩართვა ყველა სხვა მოწყობილობასთან დაკავშირების გარეშე, დამოუკიდებლად შეგიძლიათ. მეტიც, მისი გამოყენება მეორე მონიტორადაც შეგიძლიათ.

შემქმნელების თქმით, ეს მონიტორი თქვენს ნებისმიერ ოთახს, ნამდვილ სამუშაო სივრცედ აქცევს.

"ტელეფონი, კამერა, მიკროფონი, ექსტრა მონიტორი — ეს ის მცირე ჩამონათვალია, რაც ერთ მონიტორშია მოქცეული." — ამბობენ შემქმნელები.

მართლაც, თუ დისტანციურად გიწევთ მუშაობა და ონლაინ შეხვედრებიც ხშირად გაქვთ, Zoom for Home, შეიძლება, სწორედ თქვენთვის იყოს.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.