საქართველოს პრეზიდენტის, სალომე ზურაბიშვილის განცხადებით, ერთიანობისკენ გადადგმული პირველი ნაბიჯია არსებული რეგულაციების ყველაზე ერთნაირად გავრცელება. ამის შესახებ მან პარლამენტში სიტყვით გამოსვლისას ისაუბრა.

"მიმაჩნია, რომ ერთიანობისკენ გადადგმული პირველი ნაბიჯი არსებული რეგულაციების ყველაზე ერთნაირად გავრცელებაა. ყველგან — ფეხბურთის სტადიონზე, ნოვრუზის დღესასწაულზე თუ ეკლესიაში, წირვაზე, ან კიდევ პოზნერის ნადიმზე თუ ჩვენი მოქალაქეების დიდი ხნით გადადებულ ქორწილებში, დაბადების დღეებზე, საპროტესტო აქციებზე თუ სხვა საზოგადოებრივ თავყრილობებზე. მხოლოდ ხელისუფლების პასუხისმგებლობა არ ჰყოფნის, თითოეული მოქალაქეს შეგნებაზე, პირბადეს ტარებაზე, დროულ ვაქცინაციაზე და გაფრთხილებაზე გადის ჩვენი საზოგადოების ბედი", — თქვა მან.

ზურაბიშვილის განცხადებითვე, მაშინ, როცა მსოფლიო ჯანდაცვა უპრეცედენტო გამოწვევის წინაშეა, ნიშნის მოგების დრო აღარ არის. პრეზიდენტის თქმით, ახლა "ან ერთად გადავრჩეით ან ვერა".

"უპრეცედენტო გამოწვევის წინაშე დგას საქართველოს ჯანდაცვა ისევე, როგორც მთელი მსოფლიო ჯანდაცვა, ეს გამოწვევა არის პანდემია. თუ ვინმე ფიქრობს, რომ ამ მასშტაბის კატასტროფას მარტო გაუმკლავდება, ან რომელიმე პოლიტიკური ძალა სხვისი მარცხით გამარჯვებული დარჩება, ეს იმას ნიშნავს, რომ ამ ვითარებისა არაფერი გვესმის და არც ეროვნული პასუხისმგებლობის განცდა გაგვაჩნია. ხომ უნდა ვხდებოდეთ, რომ ეხლა ნიშნის მოგების დრო აღარ არის, ან ერთად გადავრჩებით ან ვერა", — თქვა მან.

დღეს საქართველოს პრეზიდენტმა, სალომე ზურაბიშვილმა პარლამენტში ყოველწლიური მოხსენება წარადგინა. მან ისაუბრა ქვეყანაში მიმდინარე პოლიტიკურ და ეკონომიკურ კრიზისზე. შეაფასა ქართულ ოცნებასა და ოპოზიციას შორის რამდენჯერმე ჩაშლილი მოლაპარაკებების პროცესი და აღნიშნა, რომ არცერთ მხარეს არ ეყო გამბედაობა შეთანხმების მისაღწევად.