Game of Thrones-ის გულშემატკივრებს, HBO სასიამოვნო სიახლეს სთავაზობს. კომპანიის განცხადებით, სერიალის 10 წლის იუბილეს აღსანიშნავად 1-თვიან სადღესასწაულო ღონისძიებებს გეგმავენ.

ღონისძიება, რომელიც "რკინის წლისთავის" სახელით არის ცნობილი, სამეფო კარის თამაშების პირველი სერიის პრემიერას მიეძღვნება, რომელიც 10 წლის წინ, 2011 წელის 17 აპრილს შედგა.

იგეგმება ახალი, ინტერაქტიული გვერდის შექმნა, რომელიც ძველის გარდა, ახალ ფანებსაც მოიზიდავს. გვერდის გამომწერებს საშუალება ექნებათ ნახონ 150-მდე ვიდეო, ინტერვიუები მსახიობებთან და კადრს მიღმა ისტორიები.

ამ ღირსშესანიშნავი ღონისძიებისთვის, მათ სპეციალური ტრეილერი მოამზადეს.

10 აპრილიდან სერიალის მარათონი დაიწყება, რომლის განმავლობაშიც პირველი სერიიდან დაწყებული ყველა ეპიზოდს თავიდან გაუშვებენ. აგრეთვე მოეწყობა აუქციონი, სადაც სხვადასხვა აქსესუარები და ნივთები გაიყიდება: მაგალითად სახალისო ფიგურები და თემატური ლუდი.

ფოტო: mikkeller

შეგახსენებთ, რომ მარტში HBO-მ სამი ახალი სპინოფი დაამტკიცა. ერთ-ერთ მათგანში, ყველასთვის საყვარელი მსახიობი, მე-11 დოქტორის როლის შემსრულებელი, მეთ სმიტი ითამაშებს. როგორც ჩანს, სერიალის მოყვარულებს ძალიან ამაღელვებელი პერიოდი ელით.

ალბათ გახსოვთ, სერიალის დასასრული ბევრმა დაიწუნა და მილიონობით ხელმოწერა შეგროვდა, ბოლო სეზონის თავიდან გადაღების მოთხოვნით. შეიძლება HBO სწორედ ასე ცდილობს ფანების გულის მოგებას, სანამ ჯორჯ მარტინის ახალ წიგნს ელოდებიან.