კითხვის შეყვარება რომ ადრეული ასაკიდანვე მნიშვნელოვანია, ამაზე საუბრით თავს არ შეგაწყენთ. ამ სტატიაში სულაკაურის გამომცემლობის სასკოლო კონკურსების შესახებ მოგიყვებით, რომლებიც კითხვის პროცესს უფრო საინტერესოს და აზარტულს გახდის თქვენთვის, თქვენი შვილებისთვის თუ მოსწავლეებისთვის.

1. პატარა ილუსტრატორი

თუ ხარ I-III კლასის მოსწავლე, გიყვარს წიგნები და ხატვა, ეს კონკურსი შენთვისაა! აირჩიე საკონკურსო წიგნი, შეარჩიე ეპიზოდი, რომელიც წიგნში არაა დასურათებული და დახატე შესაბამისი ილუსტრაცია.

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანი კატალოგის 4-6 გვერდებზე.

2. გამოეცით ილუსტრირებული წიგნი

თუ ხართ IV-VI კლასის მასწავლებელი და ეძებთ საინტერესო პროექტს მოსწავლეებისთვის, ეს კონკურსი თქვენთვისაა! შექმენით 5-10-წევრიანი ილუსტრატორთა ჯგუფი, წაიკითხეთ ერთ-ერთი საკონკურსო წიგნი და ამოარჩიეთ სცენები. თითო სცენისთვის შექმენით ერთი ილუსტრაცია.

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანი კატალოგის 7-9 გვერდებზე.

კონკურსის შარშანდელი გამარჯვებულების ილუსტრაციებით დაბეჭდილი წიგნი

კონკურსის შარშანდელი გამარჯვებულების ილუსტრაციებით დაბეჭდილი წიგნი

ფოტო: სულაკაურის გამომცემლობა

3. შეცვალე მთხრობელი

თუ ხარ IV-VI კლასის მოსწავლე, გიყვარს წიგნები და მათში მოყოლილი ამბების ინტერპრეტაცია, ეს კონკურსი შენთვისაა! წაიკითხე რომელიმე საკონკურსო წიგნი, შემდეგ შეარჩიე რომელიმე ეპიზოდი/ამბავი და მოაყოლე ან მთხრობელის ნაცვლად სხვა პერსონაჟს, ან ერთი პერსონაჟის ნაცვლად — მეორე პერსონაჟს.

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანი კატალოგის 10-11 გვერდებზე.

4. ამოგზაურე წიგნის პერსონაჟი

თუ ხარ VII-VIII კლასის მოსწავლე, გიყვარს წიგნები და საინტერესო ისტორიების შეთხზვა, ეს კონკურსი შენთვისაა! წაიკითხე ორი საკონკურსო წიგნი და დაწერე მცირე მოთხრობა, რომელშიც ერთ-ერთი წიგნის პერსონაჟს მეორე წიგნში ამოგზაურებ.

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანი კატალოგის 12-14 გვერდებზე.

5. გააციფრულე ეპიზოდი

თუ ხარ VII-VIII კლასის მოსწავლე, გიყვარს წიგნები და დაინტერესებული ხარ ვიზუალური პროგრამირებით, ეს კონკურსი შენთვისაა. წაიკითხე საკონკურსო წიგნი, აარჩიე ეპიზოდი და შექმენი ანიმაცია ან თამაში Scratch-ის ან MakeCode Arcade-ს გამოყენებით. შეგიძლია ამ ვიდეოგაკვეთილებით იხელმძღვანელო: 1. MakeCode-ის ვიდეოგაკვეთილი; 2. Scratch-ის ვიდეოგაკვეთილი; აქ შეძლებ, ივარჯიშო დამოუკიდებლად, შემდეგ კი რომელიმე რედაქტორის გამოყენებით, შეასრულო საკონკურსო დავალება.

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანი კატალოგის 15-16 გვერდებზე.

ფოტო: სულაკაურის გამომცემლობა

6. შეცვალე ჟანრი

თუ ხარ IX-X კლასის მოსწავლე, გიყვარს წიგნები და წერა, ეს კონკურსი შენთვისაა. წაიკითხე რომელიმე საკონკურსო წიგნი, შეარჩიე ერთ-ერთი ეპიზოდი და შეცვალე მისი ჟანრი — აქციე კომიქსად, პიესად ან სამეცნიერო ფანტასტიკად.

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანი კატალოგის 17-18 გვერდებზე.

7. გამოეცი წიგნი ალტერნატიული ყდით

თუ ხარ IX-XII კლასის მოსწავლე, გიყვარს წიგნები და გრაფიკულ დიზაინერობაზეც გიფიქრია, ეს კონკურსი შენთვისაა. წაიკითხე საკონკურსო წიგნებიდან ერთ-ერთი და შექმენი წიგნის ყდის შენეული ვერსია და შემოგვთავაზე წინა და უკანა ყდის და ყუის დიზაინები თავისი წარწერებით (წიგნის სათაური და ავტორი).

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანი კატალოგის 17-18 გვერდებზე.

კონკურსის შარშანდელი გამარჯვებულის ყდის დიზაინით დაბეჭდილი წიგნი

კონკურსის შარშანდელი გამარჯვებულის ყდის დიზაინით დაბეჭდილი წიგნი

ფოტო: სულაკაურის გამომცემლობა

8. დაგეგმე მარკეტინგული კამპანია

თუ ხარ XI-XII კლასის მოსწავლე, გიყვარს წიგნები და ხარ კრეატიული, ეს კონკურსი შენთვისაა. წარმოიდგინე, რომ მუშაობ სულაკაურის გამომცემლობის მარკეტინგის გუნდში. შენი მიზანია, შერჩეული საკონკურსო წიგნი აქციო ბესტსელერად. მიიღე მონაწილეობა ინდივიდუალურად ან შეადგინე მაქსიმუმ სამწევრიანი გუნდი. მოიფიქრე და დაგეგმე მარკეტინგული კამპანია, რომელიც ხელს შეუწყობს წიგნის/სერიის პოპულარიზაციას. ააწყვე პრეზენტაცია და დეტალურად გაწერე ის მარკეტინგული აქტივობები (სტატია, ვიდეო, პოსტერი...), რომლებსაც ჩაატარებდი კამპანიის ფარგლებში.

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანი კატალოგის 21-22 გვერდებზე.

9. კონკურსი მასწავლებლებისთვის

თუ ხართ მასწავლებელი და გიყვართ მოსწავლეებთან ერთად საინტერესო ტექსტების განხილვა, ეს კონკურსი თქვენთვისაა! შეარჩიეთ ნაწყვეტი შემოთავაზებული ტექსტებიდან:

მოიფიქრეთ და დაწერეთ მაქსიმუმ სამი აქტივობა, რისთვისაც შეგიძლიათ ეს ფორმა გამოიყენოთ.

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანი კატალოგის 28-ე გვერდზე.

10. ფოტობლოგი მშობლებისთვის

თუ გიყვართ შვილებთან ერთად კითხვა და ფოტოების გადაღება, ეს კონკურსი თქვენთვისაა! აირჩიეთ საკონკურსო წიგნი, გადაიღეთ 1-2 ფოტო და დაურთეთ მოკლე რჩევები — გაგვიზიარეთ შვილთან ერთად კითხვისას მიღებული შთაბეჭდილება, რატომ ურჩევდით სხვა ბავშვებს/მშობლებს ამ წიგნის წაკითხვას.

დეტალურ ინფორმაციას საკონკურსო წიგნების, ვადის, პრიზების თუ ნამუშევრის გაგზავნის პროცედურების შესახებ გაეცანით კატალოგის 29-31 გვერდებზე.

დამატებითი ინფორმაციისთვის შეგიძლია ყველაზე წიგნიერის ფეისბუქ გვერდს დაუკავშირდე.