კომპანია აჭარაბეთმა კორპორაციული სოციალური პასუხისმგებლობის ფარგლებში თანამშრომლობის მემორანდუმი გააფორმა პროექტ "აქტიური ცხოვრება ჩემი სტიქიაასთან" და მისი გენერალური სპონსორი გახდა. პროექტის მიზანია საზოგადოებაში შეზღუდული შესაძლებლობის მქონე პირთა სრულფასოვანი ინტეგრაციის ხელშეწყობა და მათი სპორტულ–შემოქმედებით და სოციალურ პროექტებში ჩართულობის გაზრდა.

"კომპანია აჭარაბეთისთვის სპორტი მნიშვნელოვანი მიმართულებაა. ჩვენთვის განსაკუთრებით სასიხარულოა, რომ ისეთი პროექტის გენერალური სპონსორები გავხდით, რომლის მიზანიც საზოგადოებაში შეზღუდული შესაძლებლობის მქონე პირთა სრულფასოვანი ინტეგრაციის ხელშეწყობაა. ცოტა ხნის წინ აჭარაბეთმა კორპორაციული სოციალური პასუხისმგებლობის პლატფორმა ინიციატივა წარადგინა. პლატფორმის მიზანია საზოგადოებისთვის მნიშვნელოვან, აქტუალურ და განვითარებაზე ორიენტირებულ საკითხებში წვლილის შეტანა. სწორედ კორპორაციული სოციალური პასუხისმგებლობის ფარგლებში შედგა თანამშრომლობა ჩვენსა და პროექტ "აქტიური ცხოვრება ჩემი სტიქიაას" შორის", — განაცხადა ნინი გუჯაბიძემ, აჭარაბეთის საზოგადოებასთან ურთიერთობის დეპარტამენტის ხელმძღვანელმა.

"ჩვენი საქმიანობის ძირითადი სფერო საზოგადოებაში შეზღუდული შესაძლებლობის მქონე პირთა სრულფასოვანი ინტეგრაციის ხელშეწყობაა სპორტულ–შემოქმედებითი და სოციალურ პროექტებში ჩართულობის, სოციალური ვიდეორგოლების, დოკუმენტური ფილმების მომზადებისა და სატელევიზიო სივრცეში განთავსების გზით.

პროექტის „აქტიური ცხოვრება ჩემი სტიქიაა“ ფარგლებში ხორციელდება ისეთი უპრეცედენტო ღონისძიებები, როგორებიცაა პარაპლანით ფრენა ეტლებით, ჯომარდობა, მკლავჭიდი, მშვილდოსნობა, ბოულინგის ინტეგრირებული ტურნირი, ზიპლაინი, საბრძოლო ფარიკაობა და ა.შ

კომპანია აჭარაბეთი გახდა პროექტ „აქტიური ცხოვრება ჩემი სტიქიაას“ გენერალური სპონსორი. წინ საინტერესო პერიოდი გველის და გვახარებს ასეთი მნიშვნელოვანი პროექტის გვერდით დგომა", — განაცხადა პროექტის დირექტორმა ხათუნა გავაშელმა.