დღეს საქართველოს პარლამენტის აპარატის უფროსად ნიკოლოზ ნათენაძე დაინიშნა. როგორც პარლამენტში აცხადებენ, ის სამართალმცოდნე და საერთაშორისო სამართლის მაგისტრია.

უწყების ცნობით, ნათენაძის ძირითადი კვალიფიკაციაა:

  • ევროპის სამართალი
  • საერთაშორისო კერძო სამართალი
  • პრივატიზაცია
  • კორპორატიული სამართალი
  • გარემოსდაცვითი სამართალი
  • საინვესტიციო სამართალი
  • სამოქალაქო სამართალი

პროფესიული გამოცდილება

  • 1997 - საქართველოს საერთაშორისო ნავთობის კორპორაცია - GIOC - იურისტი.
  • 1997 - 1999 საქართველოს საგარეო საქმეთა სამინისტრო საერთაშორისო ორგანიზაციების დეპარტამენტის გაეროს სამმართველოს პირველი მდივანი
  • 1999 - 2004 წლები - Schulze & Natenadze - პარტნიორი, ადვოკატი, იურისკონსულტი, დირექტორი (გერმანია, რუსეთი, აზერბაიჯანი, თურქმენეთი, საქართველო)
  • 2004 წელს ნათენაძე საქართველოს პრემიერმინისტრის მთავარი იურიდიული მრჩეველი და იურიდიული დეპარტამენტის დირექტორი იყო.
  • 2004-2006 წლებში - შპს ბათუმის საზღვაო სავაჭრო პორტის სამეთვალყურეო საბჭოს წევრი.
  • ის იყო შპს რომპეტროლ საქართველოს იურიდიული დეპარტამენტის დირექტორი 2005-2013 წლებში.
  • საჯარო სამართლის იურიდიული პირი საქართველოს ეროვნული სამეცნიერო ფონდში, დირექტორის იურიდიული მრჩეველი და მონიტორინგის სამსახურის უფროსი 2005-2006 წლებში.

ნიკოლოზ ნათენაძეს ცოლი და სამი შვილი ჰყავს.

მეცხრე მოწვევის პარლამენტის აპარატის ხელმძღვანელი ქართული ოცნების საარჩევნო სიის წევრი ანრი ოხანაშვილი იყო, დღეს პარლამენტმა ის მანანა კობახიძის ადგილმონაცვლედ სცნო. თავის მხრივ, მანანა კობახიძე საკონსტიტუციო სასამართლოს მოსამართლე 8 თებერვალს გახდა.