გოგი წულაიამ პარტია თავისუფალი საქართველო დატოვა. მისი თქმით, ამ ეტაპზე მარტო უფრო მოახდენს საკუთარი თავის რეალიზებას, ვიდრე პარტიაში.

"გადავწყვიტე პარტიიდან გავიდე და სხვა ამპლუით ვებრძოლო ამ ხელისუფლებას გამარჯვებამდე და შემდეგ შეიძლება ვიფიქრე რაიმე პარტიის ჩამოყალიბებაზე, მხოლოდ და მხოლოდ შემდეგ. ამ წუთას მირჩევნია, როგორც გოგოი წულაიამ ისე ვიბრძოლო, როგორც საზოგადოების წარმომადგენელმა. თავისუფლებას იყო პარტიაში, მაგრამ მოგეხსენებათ ფინანსური მხარეც იყო და გულახდილად ვიტყვი, ვთვლი, მაქვს ამბიცია, რომ ცალკე უფრო მივაღწევ და მოვახდენ თავის რეალიზებას ვიდრე ამ წუთას კახასთან. შესაძლოა მიხილოთ სხვა პარტიაში, ცხოვრება წინ გვაქვს, შესაძლოა არსებულ პარტიაში, შეიძლება თვითონ შევქმნა და შეიძლება არ შევქმნა, ისე შევიდე რომელიმე პარტიაში", — აცხადებს წულაია.

გოგი წულაია პარტიის თანათავმჯდომარე იყო.