შინაგან საქმეთა სამინისტროს ინფორმაციით, ტელეკომპანია ფორმულას ჟურნალისტს, ვახო სანაიას და მისი ცოლის ნათესავს თავს დაესხნენ. უწყების ცნობით, საქმეზე სამი პირი დააკავეს. ტელეკომპანია ფორმულას განცხადებით, შემთხვევა დღეს, 25 თებერვალს მოხდა.

"გამოძიებით დადგინდა, რომ ნასვამ მდგომარეობაში მყოფმა ბრალდებულებმა, ურთიერთშელაპარაკების ნიადაგზე, ჯგუფურად ფიზიკური ძალადობა განახორციელეს ტელეკომპანია ფორმულას ჟურნალისტის და მისი მეუღლის ნათესავის მიმართ", — ამბობს შსს.

უწყების ცნობით, გამოძიება საქართველოს სისხლის სამართლის კოდექსის 126-ე მუხლის პირველი პრიმა ნაწილის ბ და გ ქვეპუნქტებით მიმდინარეობს, რაც ორი ან მეტი პირის მიმართ ჯგუფურად ჩადენილ ძალადობას გულისხმობს.