საქართველოს პრემიერმინისტრის, ირაკლი ღარიბაშვილის განცხადებით, 2019 წლის 1 ოქტომბრიდან 2020 წლის 1 მაისამდე შემოყვანილი სატრანსპორტო საშუალებებზე გამბაჟების ვადა 1 ივნისამდე გადაიწევს. აქამდე ეს შეღავათი 1 მარტამდე მოქმედებდა. გადაწყვეტილება მან მთავრობის სხდომაზე გამოაცხადა.

"კიდევ ერთი სიახლე უკავშირდება ავტოიმპორტიორებისთვის დაწესებულ შეღავათებს. მოგეხსენებათ, რომ საქართველოს საბაჟო ტერიტორიაზე 2019 წლის 1 ოქტომბრიდან 2020 წლის 1 მაისამდე შემოყვანილ სატრანსპორტო საშუალებებზე გამბაჟების ვადა გადავადებული იყო ამა წლის 1 მარტამდე. ჩვენ მივიღეთ გადაწყვეტილება, რომ აღნიშნული თარიღი გადავწიოთ 1 ივნისამდე. ეს შეღავათი ავტოსატრანსპორტო საშუალებების, დაახლოებით, 19 ათას მფლობელს შეეხება. მნიშვნელოვანია, რომ ამ მფლობელებს, ასევე, ჩამოეწერებათ საბურავები. ვფიქრობ, ეს ხელს შეუწყობს სექტორის განვითარებას", — თქვა ღარიბაშვილმა.

საკოორდინაციო საბჭოს გადაწყვეტილებით, 25 თებერვლიდან შეზღუდვები შემსუბუქება დაიწყო. გადაწყვეტილებები პრემიერმინისტრმა, ირაკლი ღარიბაშვილიმა 24 თებერვალს, პრემიერად მოსვლის შემდეგ პირველ საკოორდინაციო სხდომაზე გამოაცხადა.

თუმცა შეზღუდვების ნაწილის შემსუბუქების მიუხედავად, ე.წ. კომენდანტის საათი კვლავ ძალაში რჩება. ამასთან, მუნიციპალური ტრანსპორტი 27 თებერვლიდან შაბათ-კვირასაც შეძლებს მუშაობას.

გაიგეთ მეტი: