ავსტრალიის ერთ-ერთ ტყეში მაშველებს წინ უჩვეულო სანახაობა გადაეშალათ — 35 კილოგრამი მარტლით დამძიმებული ამაყად მოსეირნე ცხვარი. ცხვარი მოქალაქემ აღმოაჩინა და მაშინვე ცხოველთა თავშესაფარს დაუკავშირდა. მაშველების აზრით, ცხვარს ერთ დროს პატრონი ჰყავდა, რადგან ოდესღაც ყურზე შესაბამისი ნიშანი ჰქონდა დამაგრებული, რომელიც სქელი მატყლის გამო, მოგვიანებით მოსძვრა.

"ცხვრების გაპარსვა წელიწადში, სულ მცირე, ერთხელ მაინცაა აუცილებელი. სხვაგვარად მატყლი ზრდას განაგრძობს, ზუსტად ისე, როგორც ამ შემთხვევაში მოხდა," — განაცხადა ერთ-ერთმა მაშველმა.

ცხვარი, რომელსაც მაშველებმა ბარაკი დაარქვეს, მალევე გაპარსეს. მისი მატყლი 35,4 კილოგრამს იწონის. ტყეში მოხეტიალე ცხოველი ზედმეტად გამხდარი აღმოჩნდა, თანაც სქელი მატყლი მხედველობაშიც უშლიდა ხელს.

გაპარსული და მოვლილი ბარაკი ტყეში ხეტიალსა და თავგადასავლებს დაემშვიდობა და ამჟამად სხვა ცხვრებთან ერთად თავშესაფარ Edgar’s Mission-ში იმყოფება.