საავტომობილო გზების დეპარტამენტის განცხადებით, რთული მეტეოროლოგიური პირობების გამო, საერთაშორისო მნიშვნელობის თბილისში შემოსავლელ (შემოვლით) გზაზე მოძრაობა აიკრძალა.

"რთული მეტეოროლოგიური პირობების (ლიპყინული, ქარი და შეზღუდული ხილვადობა) გამო, საერთაშორისო მნიშვნელობის თბილისის შემოსავლელ საავტომობილო გზაზე აკრძალულია ყველა სახის ავტოტრანსპორტის მოძრაობა", — ნათქვამია განცხადებაში.

მოგვიანებით უწყებამ დააზუსტა, რომ თბილისში შემოსვლასთან დაკავშირებით საავტომობილო გზაზე შეზღუდვა არ არის დაწესებული და აკრძალვა შემოვლით გზას ეხებოდა.

გზეპის დეპარტამენტმა განმარტა ისიც, რომ თბილისის შემოვლითი გზა იწყება ზაჰესის ხიდიდან და უერთდება რუსთავი-წითელი ხიდის გზას. მათივე თქმით, აღნიშნული გზით უმეტესად ტრანზიტული ტრანსპორტი მოძრაობს.