ტელეკომპანია რუსთავი 2-ის გადაცემა პოსკრიპტუმში გასული რეპორტაჟის მიხედვით, რამდენიმე დღის წინ რუსთავი 2-ის საქმის მოსამართლე ნატა ნაზღაიძის ძმამ ბიუჯეტიდან ერთი მილიონი ლარი მიიღო.

აღნიშნულ ჟურნალისტურ გამოძიებას ქართული ოცნების ერთ-ერთი ლიდერი ზაქარია ქუცნაშვილი "პიარულ ტექნიკას" უწოდებს და ტელეკომპანიას ტყუილში ადანაშაულებს:

"მე ვფიქრობ, რომ თქვენ ფაქტებს ამახინჯებთ, მილიონი ლარი არავის არავისთვის არ გადაუხდია და თქვენი ეს პიარული ტექნიკა, ამჯერად უკვე ახალი მოსამართლის მსხვერპლად ამოღების, მიმდინარეობს. ცდილობთ, რომ მოსამართლესა და მისი ოჯახის წევრებს შეულახოთ ღირსება. ტყვილ ფაქტს აჟღერებთ. მანახეთ დოკუმენტი. ამ ფაქტებს მე არ ვავრცელებ, თქვენ ავრცელებთ ტყუილ ინფორმაციას".

ნატა ნაზღაიძესთან დაკავშირებით გავრცელებულ ინფორმაციას ეხმაურება ერთიანი ნაციონალური მოძრაობაც და მოითხოვს მოსამართლე ნატა ნაზღაიძეს შეუწყდეს უფლებამოსილება და გაუქმდეს რუსთავი 2 -ის საქმესთან დაკავშირებით მის მიერ მიღებული გადაწყვეტილებები.