სულ ცოტა ხნის წინ ამერიკის კინოაკადემიამ 2021 წლის დაჯილდოების რვა კატეგორიაში ნომინანტთა მოკლე სია გამოაქვეყნა, მათ შორის საუკეთესო საერთაშორისო მხატვრული ფილმის ნომინაციაშიც და 15 რჩეულ კინოსურათს შორის, სამწუხაროდ, საქართველოს კანდიდატი ფილმი — დასაწყისი ვერ მოხვდა.

წლევანდელ ოსკარებზე სულ 93-მა ქვეყანამ წარადგინა თავისი კანდიდატი, თუმცა ამჟამად საუკეთესო საერთაშორისო მხატვრული ფილმის ნომინაციის ფინალისტობისთვის უკვე მხოლოდ თხუთმეტი ქვეყნის ამდენივე ფილმი განაგრძობს ბრძოლას:

  • ბოსნია და ჰერცეგოვინა — Quo Vadis, Aida?
  • ჩილე — The Mole Agent
  • ჩეხეთი — Charlatan
  • დანია — Another Round
  • საფრანგეთი — Two of Us
  • გვატემალა — La Llorona
  • ჰონგ-კონგი — Better Days
  • ირანი — Sun Children
  • კოტ-დ’ივუარი — Night of the Kings
  • მექსიკა — I’m No Longer Here
  • ნორვეგია — Hope
  • რუმინეთი — Collective
  • რუსეთი — Dear Comrades!
  • ტაივანი — A Sun
  • ტუნისი — The Man Who Sold His Skin

ამ სიიდან საბოლოოდ ხუთი ფინალისტი შეირჩევა, რომელთა შესახებ 15 მარტს გახდება ცნობილი, როცა ყველა ნომინაციის კანდიდატი დასახელდება.

დეა კულუმბეგაშვილის სადებიუტო სრულმეტრაჟიანი კინოსურათი გასულ წელს ჯერ კანის კინოფესტივალის ოფიციალურ სელექციაში აირჩიეს, შემდეგ კი სან-სებასტიანის საერთაშორისო ფესტივალზე ოთხ მთავარ ნომინაციაში მოიპოვა გამარჯვება. უცხოური გამოცემები დადებით შეფასებებთან ერთად დასაწყისს წლევანდელ ოსკარებზე წარმატებას უწინასწარმეტყველებდნენ, თუმცა ეს ვარაუდები არ ახდა.

ოსკარების 93-ე დაჯილდოების ცერემონია 25 აპრილს გაიმართება.

ასევე იხილეთ: