შხაპის დროს სიმღერის მოყვარულებისთვის, კომპანია Ampere-ს სასიამოვნო სიახლე აქვს. მათი ინოვაცია სპეციფიკური ჰიდროენეგრეტიკული დინამიკია, რომელიც ნებისმიერ საშხაპეს თავისუფლად ერგება.

კლასიკური დინამიკისგან განსხვავებით, მას წყალს არ არიდებთ, პირიქით, ის წყლის ნაკადის ხარჯზე მუშაობს. საშხაპის თავზე დინამიკის დამაგრებით და წყლის მოშვებით, დინამიკი მუშაობას იწყებს და პარალელურად იტენება კიდევაც. ეს ინოვაციური დინამიკები ენერგიის 100 პროცენტს, სწორედ წყლისგან გამოიმუშავებს.

მნიშვნელოვანია, რომ პროდუქტის შემქმნელები, გარემოზეც ზრუნავენ, დინამიკები ოკეანიდან ამოღებული გადამუშავებული პლასტმასისგან მზადდება.

რაც შეეხება გამძლეობას, როდესაც დინამიკის ბატარეა ბოლომდე დატენილია, მას მუშაობა 10 საათის განმავლობაში, წყლის გარეშეც შეუძლია.

კომპანიაში ამბობენ, რომ მიუხედავად დინამიკების ზომის სიმცირისა, ჟღერადობის მხრივ ისინი საკმაოდ მძლავრი იქნება.

პროდუქტის შექმნაზე მუშაობა ჯერ ბოლომდე დასრულებული არ არის, თუმცა, ჩვენ უკვე შეგვიძლია ვნახოთ თუ როგორი იქნება ის.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.