მიუხედავად იმისა, რომ ნასას კასინის კოსმოსური ზონდი მისიის დასასრულს უახლოვდება, მამაცი ორბიტერი ღირსეულ დასასრულს გვთავაზობს. კასინიმ, რომელიც ამჟამად სატურნის რგოლების შესწავლის ფაზაშია, გიგანტის რგოლების საოცარი ფოტოები გადმოაგზავნა.

ნასას თანახმად, ეს მთავარი რგოლების გარე ნაწილების ყველაზე ახლო ხედით გადაღებული სურათებია. კასინის აქამდეც გადაუღია რგოლების ფოტოები, თუმცა ასეთი შთამბეჭდავი ნამუშევრები პირველად მოგვაწოდა.

ფოტო: NASA

ამ ახალ ფოტოებზე ახლო ხედით ჩანს პროპელერები - სტრუქტურები, რომლებიც რგოლებში ნაპრალებს წააგავს (იწვევს სატურნის 62 მთვარიდან ერთ-ერთი). გრავიტაციის კვალიც ხილულია.

"ეს ახლო ხედები ახალ ფანჯარას ხსნის სატურნის რგოლების შესწავლაში. შემდეგი რამდენიმე თვის განმავლობაში უფრო საოცარ მონაცემებს ველოდებით სატურნიდან", - ამბობს პრეს-რელიზში მეთიუ ტისკარენო, კასინიზე მომუშავე მეცნიერი და სატურნის ექსპერტი SETI-ს ინსტიტუტიდან.

ფოტო: NASA

დედამიწელების სასიხარულოდ, მომავალ რამდენიმე თვეში სატურნის რგოლების კიდევ უფრო დეტალურ ფოტოებს ვნახავთ. კასინისთვის 20-წლიანი მისია აპრილში დამთავრდება, როცა ის სატურნის ატმოსფეროში თავს გაინადგურებს.

მადლობა მას ერთგული სამსახურისთვის!