საქართველოს სტატისტიკის ეროვნული სამსახურის ინფორმაციით, წინასწარი შეფასებით, 2020 წლის ნოემბერში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) კლებამ 7,7 პროცენტი შეადგინა. უწყების ცნობითვე, 2020 წლის პირველი თერთმეტი თვის საშუალო მაჩვენებელი -5,9 პროცენტია.

ფოტო: საქსტატი

საქსტატის ინფორმაციით, ნოემბერში კლება შეინიშნებოდა შემდეგ საქმიანობებში:

  • მშენებლობა;
  • ტრანსპორტი და დასაწყობება;
  • ხელოვნება, გართობა და დასვენება;
  • განთავსების საშუალებით უზრუნველყოფა;
  • საბითუმო და საცალო ვაჭრობა;
  • ავტომობილების და მოტოციკლების რემონტი.

რაც შეეხება ზრდას, იგი დაფიქსირდა შემდეგ სფეროებში:

  • დამამუშავებელი მრეწველობა;
  • საფინანსო და სადაზღვევო საქმიანობება;
  • ინფორმაცია და კომუნიკაცია;
  • წყალმომარაგების, კანალიზაციისა და ნარჩენების მართვა.