ერთიანი ნაციონალური მოძრაობის თავმჯდომარემ, ნიკა მელიამ განაცხადა, რომ სიტყვა რევოლუციის არ უნდა "გვეშინოდეს" და ეს გულისხმობს მხოლოდ ხელისუფლების იძულებას, დანიშნოს ახალი არჩევნები.

"რევოლუციაში მე რას ვგულისხმობ, იცით? როდესაც ხელისუფლებას ვაიძულებ, გადადგეს და ჩანიშნოს ახალი არჩევნები. ჩემთვის ეს არის რევოლუცია და არ უნდა გავურბოდეთ ამ სიტყვასაც, თუ კი ამის საჭიროება იქნება. წინააღმდეგ შემთხვევაში, იცით, რას გავს ეს ვითარება? როცა ვერაგ მტერს ვებრძვით, მან უნდა იცოდეს, თუ დათმობაზე არ მოდის, ჩვენ რაზე წამსვლელები ვართ", — განაცხადა მელიამ.

ხელისუფლების მხრიდან ხშირად ისმოდა ბრალდებები ოპოზიციის ლიდერების მიმართ, რომ ისინი "დესტრუქციული ქმედებებით რევოლუციისთვის" ამზადებდნენ სცენარს.