გარემოს დაცვის კომიტეტის პირველი მოადგილე იქნება ხატია წილოსანი, მეორე კი გოგი მეშველიანი. კომიტეტზე კანდიდატურებს მხარი სრულად დაუჭირეს. მაია ბითაძის თქმით, მესამე მოადგილეზე ვაკანტური ადგილია გამოცხადებული და ოპოზიციას ელოდებიან.

"დღეს გარემოს დაცვისა და ბუნებრივი რესურსების კომიტეტმა პირველი მოსმენა გამართა. დამტკიცებულ იქნა კომიტეტის დებულება, რომელიც თანხვედრაშია საქართცელოს პარლამენტის ახალ რეგლამენტთან. პირველ მოადგილედ არჩეულია ხატია წილოსანი, რომელიც იყო გარემოს დაცვის მინისტრის მოადგილე. მეორე მოადგილედ არჩეულია ფრაქციის მხრიდან წარმოდგენილი, დიდი გამოცდილების მქონე, გოგი მეშველიანი", — ამბობს ბითაძე.

ბითაძის თქმით, დღევანდელ სხდომაზე განიხილეს ყველა ის მიმართულებები, რომელზეც იმუშავებს მომდევო ოთხი წლის განმავლობაში და რაზეც საუბარი იყო ქართული ოცნების პროგრამაში. მანვე აღნიშნა, რომ ეს ძირითადი მიმართულებები თანხვედრაშია ასოცირების ხელშეკრულების ვალდებულებებთამ, მათ შორის სიახლე, რაზეც იმუშავებენ არის ცირკულარული ეკონომიკის განვითარება, ნარჩენების ხელახალი გამოყენების სააღსრულებლო მექანიზმების შექმნა და გარემოს დაცვითი, ურბანული და სატრანსპორტო საკითხების ინტეგრაცია.