მიხეილ სააკაშვილი რუსთავი 2-ის ეთერში ნაციონალურ მოძრაობიდან წასულ ნაწილზე აცხადებს, რომ მათ წინასაარჩევნოდ პარტიაში ყრილობის ჩატარება არ დაუშვეს:

"მე არ ვიყავი და არ დამიკომპლექტებია წინასაარჩევნო სია. სია ისე დაკომპლექტდა, რომ მათ ყრილობის ჩატარებაზეც კი უარი თქვეს. კამათი იმაზე კი არ იყო, დიდგორზე ჩატარდებოდა თუ არა ყრილობა თუ სადმე სხვაგან, კამათი იყო, საერთოდ ჩატარდებოდა თუ არა ყრილობა. მათ არ დაუშვეს ყრილობის ჩატარება".

სააკაშვილის თქმით, ყრილობა იმიტომ არ ჩატარდა, რომ საარჩევნო სია განსხვავებული კონფიგურაციით არ შემდგარიყო:

"აქ იყო ჯგუფი, რომელთა აბსოლუტური უმეტესობა ერთადაა ნამუშევარი, ერთმანეთის მეგობრები არიან, ერთმანეთის ახლობლები არიან, ნუ ნეპოტიზმის ნიშნები შეინიშნებოდა სამწუხაროდ".

სააკაშვილის თქმით, არჩევნებამდე სიის დაკომპლექტებაში ჩარევის ბერკეტები მას არ ჰქონია.