ბოლო პერიოდში პანდემიამ ბიზნესზე საკმაოდ მნიშვნელოვანი გავლენა იქონია. მსოფლიოში დასაქმებულთა ნაწილი უმუშევარი დარჩა, ხოლო დიდი ნაწილი თვეების განმავლობაში სახლიდან მუშაობაზე გადაერთო. მსგავსი სიტუაციაა საქართველოშიც. მძიმე პერიოდში ბიზნესს, იმისთვის რომ არ შეეწყვიტა ფუნქციონირება და მაქსმალურად შეენარჩუნებინა შემოსავალი, განსაკუთრებით დაეხმარა ღრუბლოვანი ე.წ. ქლაუდ ტექნოლოგია.

პირველი ქლაუდ სერვისი 1999 წელს შექმნა ამერიკელმა ანტერპრენერმა მარკ ბენიოფმა. ეს იყო კომპანია saleforce, SaaS (Software as a service) მოდელით. მას შემდეგ, ანუ უკვე 20 წელზე მეტია, ქლაუდი ბიზნესის მართვისა და ოპერირების ერთ-ერთი მნიშვნელოვანი ხელსაწყოა. ქლაუდით შექმნილი კომფორტი კი ყველაზე მეტად სწორედ პანდემიის პირობებში გამოჩნდა, როდესაც მილიონობოთ დასაქმებულ ადამიანს ოფისიდან სახლში მოუწია გადანაცვლება. მაგალითად ონლაინ შეხვედრებისა პლატფორმა zoom-ის გამოყენება პანდემიის პერიოდში 300%-ით გაიზარდა, ხოლო Teams-ში მარტის მხოლოდ პირველ კვირაში 12 მილიონი ახალი მომხმარებელი დარეგისტრირდა.

ქლაუდ ტექნოლოგია უფრო და უფრო აქტუალური ხდება საქართველოშიც. BDO-ს მიერ შექმნილი საბუღალტრო პროგრამა ბალანსი არის პირველი ვინც მომხმარებლებს საბუღალტრო პროგრამის SaaS მოდელი შესთავაზა. ბალანსი 5 წელია რაც ბაზარზეა და უკვე დაახლოებით 2 წელია რაც ქლაუდ ტექნოლოგიასაც ავითარებს. სპეციალურად ქლაუდ მოდელისთვის შეიქმნა ბალანსის განახლებული საიტი. აქ მომხმარებელი რეგისტრაციისას ქმნის საკუთარ ონლაინ კაბინეტს — სამუშაო სივრცეს, სადაც თავს იყრის პროგრამასთან დაკავშირებული ყველა დეტალი: სამუშაო ბაზები, დემო ბაზები, სასწავლო და დამხმარე მასალები და სხვა. აქ ფიქსირდება კომპანიის შესახებ ინფორმაცია და აქვე იღებს მომხმარებელი ინვოისებს და პროგრამით სარგებლობისთვის იხდის ბარათით საიტიდანვე. კაბინეტიდან ასევე შესაძლებელია თანამშრომლების მოწვევა კომპანიის ბაზაში სამუშაოდ.

ბალანსით მომხმარებელი სარგებლობს სერვისის ფორმით, შესაბამისად, საფასურსაც იხდის ყოველთვიურად ან ყოველწლიურად, იმის მიხედვით როგორ უფრო კომფორტულია მისთვის.

პროგრამა განკუთვნილია მენეჯერებისთვისაც და ბუღალტრებისთვისაც

ბალანსი არის მინი ERP სისტემა. ეს ნიშნავს, რომ ერთ სისტემაშია გაერთიანებული საწყობის პროგრამა, გაყიდვების პროგრამა, წარმოებისა და მშენებლობის აღრიცხვა, ფინანსები და მენეჯერული რეპორტები. პროგრამაში უკვე მზადაა თითოეული სფეროსთვის საჭირო ფუნქციონალი, მაგალითად, რეცეპტებით აღრიცხვა წარმოებისთვის, გეგმა-ფაქტური ანალიზი მშენებლობისთვის და ა.შ.

პროგრამის მუშაობის სტილი, მოკლედ შეიძლება ასე აღიწეროს — სისტემაში მუშაობენ როგორც საოპერაციო ნაწილის, ისე ფინანსური დეპარტამენტის თანამშრომლებიც. მაგალითად საწყობის მენეჯერი აფიქსირებს რომ საწყობიდან გავიდა ამა და ამ რაოდენობის მასალა, ამა თუ იმ ობიექტისთვის. ობიექტის მენეჯერი დააფიქსირებს, რომ დახარჯულია გარკვეული მასალა, ის კი ავტომატურად ჩამოიწერება საწყობიდან. პროგრამულად აღირიცხება ასევე ობიექტებს შორის მძიმე ტექნიკის გადაადგილება. აღნიშნული ოპერაციების შესაბამისი გატარებები პროგრამაში ავტომატურად კეთდება, ამ ყველაფერს კი ბუღალტერი ლაივ რეჟიმში ხედავს და აკონტროლებს. მზა რეპორტებში ინფორმაცია ასევე ავტომატურად ივსება პროგრამაში შეყვანილი მონაცემებით. შედეგად მენეჯერისთვის ყოველთვის ხელმისაწვდომია რეპორტები მიმდინარე ინფორმაციით.

ონლაინ მხარდაჭერა

მხარდაჭერის სერვისის კომფორტულობისთვის ბალანსში ჩაშენებულია ჩატი. მომხმარებლები ონლაინ ეკონტაქტებიან მხარდაჭერის გუნდს და თითქმის მომენტალურად იღებენ პასუხებს ყოველგვარი ზედმეტი ზარებისა და ლოდინის გარეშე.

ინტეგრაცია ღია სისტემებთან

ბალანსს აქვს ინტეგრაციის პროტოკოლი (API), ანუ მისი ინტეგრაცია შესაძლებელია სხვა ღია სისტემებთან, მაგალითად რესტორნის, კაფესა და სასტუმროს ე.წ ფრონტის პროგრამებთან, E-commerce პლატფორმებთან, BI სისტემებთან და ა.შ.

შედეგად, მონაცემები რომელიც ფიქსირდება ინტეგრირებულ პროგრამაში, პარალელურად აისახება ბალანსშიც და პირიქით. მაგალითად, თუ ბალანსი ინტეგრირებულია BI ანალიტიკის პლატფორმასთან, ბალანსში აღრიცხული მონაცემები გაყიდვების, შემოსავლებისა და სხვა მაჩვენებლების შესახებ აისახება და ქმნის მონაცემებს BI სისტემაში, რაც შემდეგ უკვე დახვეწილ ანალიტიკას იძლევა, ექსელის დოკუმენტების გარეშე.

E-commerce-ის შემთხვევაში გაცვლა ორმხრივია. მაგალითად, ბალანსის საწყობის მოდულში დამატებული პროდუქტი ავტომატურად შეიძლება შეიქმნას ონლაინ მაღაზიაში საიტზე, ხოლო საიტზე გაკეთებული გაყიდვები და გადახდები აისახოს ბალანსში შესაბამისი ბუღალტრული გატარებებით და გაყიდული პროდუქტი ავტომატურად ჩამოიწეროს საწყობიდან.

მუდმივად განახლებადი ფუნქციონალი

ბალანსს ჰყავს მომხმარებლები სრულიად განსხვავებული სფეროებიდან — დაწყებული ფრილანსერი ბუღალტრებით, დასრულებული სავაჭრო და მეწარმე კომპანიებით. მათთვის ყოველ 2 კვირაში გამოდის ახალი რელიზი, რომლის საშუალებითაც პროგრამას ემატება ახალი ფუნქციონალი და იხვეწება არსებული. გარდა სტანდარტული და დაგეგმილი განვითარებისა, თუკი მომხმარებელს ძალიან სპეციფიური ფუნქციონალი სჭირდება, ბალანსის გუნდი ღიაა დამატებითი დეველოპმენტისთვისაც.