თბილისის მუნიციპალიტეტის მთაწმინდის რაიონის ტერიტორიაზე ხეების მოჭრისა და მათი დამუშავება - გატანისთვის 118 500 ლარის ღირებულების გამარტივებული ტენდერი გამოცხადდა. აღნიშნული მომსახურების შესაძენად მთაწმინდის რაიონის გამგეობამ შესყიდვა დღეს, 21 დეკემბერს გამოაცხადა.

სატენდერო დოკუმენტის მიხედვით, 2017 წელს 450 ხმელი, ზეხმელი და ავარიული ხე უნდა მოიჭრას, 1 280 ხეს სანიტარულ-ფორმირებადი მოჭრა ჩაუტარდეს, 150 ხის კუნძები უნდა ამოიძირკვოს, 30 ხის ამოძირკვოს შედეგად დარჩენილი ორმოები მიწით ამოივსოს და 100 მოტეხილი ხე უნდა მოიჭრას. გამარჯვებულმა კომპანიამ მოჭრილი ხეების დამუშავება და გატანაც უნდა უზრუნველყოს. მოცემული რაოდენობა სავარაუდოა და შესაძლებელია შეიცვალოს.

სატენდერო დოკუმენტების მიხედვით, მიმწოდებელმა მოჭრილი (მოტეხილ/მოთხრილი) ხეები "კოტრებად" უნდა დაჭრა და შემსყიდველის მიერ მითითებულ მისამართებზე საკუთარი ხარჯებით დაარიგოს.

აღნიშნულ შესყიდვაზე წინადადებების მიღება 25 დეკემბერს იწყება 27 დეკემბერს სრულდება.