ლაგოდეხის ნაკრძალში ქალის გაუპატიურების ბრალდებით ერთი პირი დააკავეს. როგორც შინაგან საქმეთა სამინისტროში On.ge-ს უთხრეს, საგამოძიებო მოქმედებები მიმდინარეობს.

მედიაში ვრცელდება ინფორმაცია, რომ ქალი უცხო ქვეყნის მოქალაქეა და ნაკრძალში თავის ქმართან ერთად იმყოფებოდა. თუმცა შსს-ში დამატებითი ინფორმაციის გაცემაზე უარი თქვეს.

გამოძიება სისხლის სამართლის კოდექსის 137-ე მუხლით მიმდინარეობს, რაც გაუპატიურებას გულისხმობს.