ლიონელ მესის ბარსელონას დატოვება სურს. საერთაშორისო მედიის ინფორმაციით, ამის შესახებ ფეხბურთელმა ბარსელონას ფაქსის საშუალებით მიწერა.

CBS Sports-ის ჩემპიონთა ლიგის კორესპონდენტმა გილემ ბალაგამ დაადასტურა, რომ კლუბმა შეტყობინება ნამდვილად მიიღო. მისივე ინფორმაციით, კლუბი მოსალაპარაკებლად დაუყოვნებლივ შეხვედრას გამართავს.

გამოცემა წერს, რომ 33 წლის არგენტინელი სუპერვარსკვლავი მიზნად ახალ გუნდში გადასვლას ისახავს და კარიერაში ახალი ეტაპს იწყებს მას შემდეგ, რაც გასულ სეზონზე ბარსელონამ ჩემპიონთა ლიგის მეოთხედფინალში 2-8 წააგო.

CBS Sports-ის ცნობით, მესიმ გადაწყვეტილება მას შემდეგ მიიღო, რაც ახალ მენეჯერს, რონალდ კოემანს შეხვდა. გავრცელებული ინფორმაციით, მესის ხელშეკრულებაში არსებული პირობა საშუალებას მისცემს გუნდი 2020-21 წლების სეზონის დაწყებამდე დატოვოს.

მესი 2001 წელს შეუერთდა ბარსელონას. მას შემდეგ მან კლუბში 731 თამაშში 634 გოლი გაიტანა, რითიც მოახერხა და შექმნა უდიდესი ინდივიდუალური კარიერა ფეხბურთის ისტორიაში.

გამომდინარე იქიდან, რომ მისი "ღირებულება" მაღალია, მხოლოდ რამდენიმე კლუბს ექნება მესის "შეძენის" შესაძლებლობა. მაგალითად, მანჩესტერ სიტის, პსჟ-ს და იუვენტუსს ამისთვის საჭირო ეკონომიკური რესურსები აქვთ.