აშშ-ს სახელმწიფო დეპარტამენტში ევროპული და ევრაზიულ საკითხთა ბიუროს თავმჯდომარე, ფილიპ რიკერი, აგვისტოს ომთან დაკავშირებით ვიდეოს აქვეყნებს, სადაც რუსეთს საქართველოდან საკუთარი საოკუპაციო ჯარების გაყვანისკენ მოუწოდებს.

"12 წელი გავიდა მას შემდეგ, რაც რუსეთის საქართველოში შეიჭრა, მოკლა ასობით ადამიანი, საკუთარი საცხოვრებელი კი ათობით ათასმა ადამიანმა დაკარგა. რუსეთს კვლავ ოკუპირებული აქვს საქართველოს ტერიტორიის 20%. პანდემიის მიუხედავად, რუსეთის ისევ უქმნის საფრთხეს რეგიონის მაცხოვრებლებს. ჩვენ კვლავ მოვუწოდებთ მას, გამოიყვანოს ჯარები საქართველოს ტერიტორიიდან და შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები", — თქვა მან.

რიკერის აღნიშვნით, საქართველო რუსული ფართო დეზინფორმაციის კამპანიის მსხვერპლია, რაშიც ლუგარის ცენტრის დისკრედიტაციის მცდელობებსაც აქვს ადგილი.

აგვისტოს ომის დაწყებიდან 12 წელი გავიდა. 2008 წლის აგვისტოში რუსეთი საქართველოს ტერიტორიაზე შემოიჭრა, ცეცხლი გაუხსნა ქართულ სოფლებს, დაიკავა როკის გვირაბი. საქართველომ რუსულ აგრესიას უპასუხა. ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა.

ჯანდაცვის სამინისტროს მონაცემებით, დაჭრილ/დაშავებულ სამოქალაქო და სამხედრო პირთა რაოდენობა სულ 2 232 პირს შეადგენს. მათ შორის, 1045 სამხედრო მოსამსახურე იყო.

IDFI-ის ინფორმაციით, აგვისტოს ომის შემდეგ, საქართველოში 263 598-მდე გაიზარდა დევნილთა რაოდენობა. 2009-2015 წლებში კი, საცხოვრებელი ფართი საკუთრებაში გადაეცა ჯამში 18 679 ოჯახს.