ერთიანი ნაციონალური მოძრაობის ერთ-ერთი ლიდერი, სალომე სამადაშვილი გიორგი ვაშაძის მიერ გაერთიანებული ოპოზიციის ძალა ერთობაშია დატოვების კომენტირებისას აცხადებს, რომ ვაშაძის აქტიური ხელშემწყობი ვანო ჩხარტიშვილია. ეს ის ბიზნესმენია, რომელსაც ბიძინა ივანიშვილთან აკავშირებენ.

"ყველასთვის, ვინც გადაწყვეტს, რომ გამოეთიშოს ამ ერთიანობას, რომელიც არის ძალიან მნიშვნელოვანი ბიძინა ივანიშვილის დასამარცხებლად, მათთვის არის ეს დანაკარგი. [...] ჩვენთვის დღეს მთავარი ამოცანა არის ივანიშვილის დამარცხება და არანაირი მნიშვნელობა არ აქვს არც თანამდებობებს, არც გადანაწილებას სიაში. [...] ვანო ჩხარტიშვილი არის აქტიური ხელშემწყობი ბატონი ვაშაძის პოლიტიკური საქმიანობის, ასე, რომ ალბათ მათ აქვთ საკუთარი მოსაზრებები, რატომ მოხდა ეს", — აცხადებს სალომე სამადაშვილი.

დღეს, 27 ივლისს, გიორგი ვაშაძემ და თაკო ჩარკვიანმა პოლიტიკურ პარტიათა კოალიცია, ძალა ერთობაშია დატოვეს და ახალი პოლიტიკური პლატფორმა, სტრატეგია აღმაშენებელი წარადგინეს. მათი განცხადებით, სტრატეგია აღმაშენებელი ამ ეტაპზე კიდევ ორ სუბიექტს — ახალი საქართველო და კანონი და სამართალს აერთიანებს.