პრემიერ-მინისტრი გიორგი გახარია ამბობს, რომ ადამიანები კორონავირუსთან ერთად ცხოვრებას და შრომას უნდა შეეგუონ. მისი თქმით, მოქალაქეები პირბადითა და ხელთათმანებით ცხოვრებას უნდა მიეჩვივნონ.

როგორც გახარია ამბობს, ეს არის ერთადერთი გზა იმისა, რომ ეკონომიკას სწრაფად აღდგენის საშუალება მიეცეს.

"ჩვენ შევთანხმდეთ ერთ რამეზე — უნდა მივეჩვიოთ ამ ვირუსთან ერთად ცხოვრებას, შრომას. რა თქმა უნდა, ეს შეცვლის ჩვენს ყოველდღიურ საქციელს და ქმედებას, მაგრამ ეს არის ერთადერთი გზა იმისა, რომ ჩვენს ეკონომიკას მივცეთ საშუალება, რაც შეიძლება სწრაფად დაიწყოს აღდგენა", — განაცხადა გახარიამ.