თბილისის მერი, კახა კალაძე ამბობს, რომ ქუთაისის მერის, გიორგი ჭიღვარიას გადადგომა სიტუაციის "გაჯანსაღებას" უკავშირდება.

მისი თქმით, ჭიღვარიას მიმართ "ისეთი არაფერი" პრეტენზიები ყოფილა და მეტი "ენთუზიაზმი და შემართებაა" საჭირო.

"ყველა ცვლილება უკავშირდება იმას, რომ სიტუაცია გაჯანსაღდეს. თუ იყო გარკვეული პრობლემები სხვადასხვა მიმართულებებით, უნდა გამოსწორდეს და ახალი ენთუზიაზმით, ახალი სისხლით და შემართებით განხორციელდეს სხვადასხვა სამუშაოები და პროექტები", — განუცხადა კალაძემ მთავარ არხს .

ქუთაისის მერი გიორგი ჭიღვარია თანამდებობას ტოვებს. ამის შესახებ მერმა ფეისბუქზე დაწერა, თუმცა გადადგომის მიზეზი არ დაასახელა.