მსოფლიოში კორონავირუსის უკვე მილიონზე მეტი დადასტურებული შემთხვევაა. Johns Hopkins University-ის მონაცემებით, პანდემიის დაწყებიდან დღემდე ჯამში 1 002 159 ინფიცირებული გამოვლინდა. მათ შორის, 51 ათასზე მეტი ადამიანი გარდაიცვალა და 208 ათასი გამოჯანმრთელდა.

აშშ-ში ყველაზე მეტი ინფიცირებულია, იქ, სულ მცირე, 234 462 შემთხვევა აღრიცხეს. მას მოსდევს იტალია ყველაზე მეტი დაღუპილით და ესპანეთი, სადაც დადასტურებულ შემთხვევათა რიცხვი 100 ათასს გადაცდა. შემდეგ არის გერმანია 84 264 ინფიცირებულით და ბოლოს — ჩინეთი, პანდემიის ეპიცენტრი, სადაც ოფიციალურად 82 432 დადასტურებული შემთხვევაა.