თანამშრომლების რაოდენობა ხომ არ შემცირდა ან გაიზარდა?

თანამშრომლები განაგრძობენ ჩვეულ რეჟიმში მუშაობას, შეღავათებით სარგებლობენ ფეხმძიმე ან განსკუთრებული საჭიროების მქონე თანამშრომლები, იქნება ეს დაუგეგმავი შვებულება, მოქნილი სამუშაო გრაფიკი თუ დისტანციური მუშაობა. პარალელურად, გეგმის მიხედვით, ამჯერად უკვე დისტანციური გასაუბრებებითაც, მიმდინარეობს კადრის შევსების პროცესი.

აფთიაქებში თანამშრომლების უსაფრთხოების დაცვა როგორ ხდება?

ფარმაცევტები, სხვა სამედიცინო პერსონალთან ერთად, კორონავირუსის წინააღმდეგ ბრძოლის წინა ხაზზე არიან; ამიტომ მათი უსაფრთხოება და დაცულობა, დღეს კოპმანიისთვის ყველაზე პრიორიტეტულია; ქსელის ყველა აფთიაქში დამონტაჟდა დამცავი მინები, თანამშრომლებს ეგზავნებათ დამცავი ნიღბები, ხელთათმანები, სადეზინფექციო ხსნარები ხელის დასამუშავებლად; ცალკე სადეზინფექციო ხსნარები ზედაპირების და ცალკე იატაკის დასამუშავებლად. აფთიაქების სადეზინფეციო ხსნარებით დამუშავება, როგორც ზედაპირების ასევე იატაკის, ხორციელდება დღეში ორჯერ, რაც ექვემდებარება აღრიცხვა-შემოწმებას. ამასთან ერთად, მუდმივად ხდება ოფისების იატაკისა და სამუშაო ზედაპირების დამუშავება სადეზინფექციო ხსნარებით.

როგორ ხდება თანამშრომლების მოტივირება, რომ ამ რთულ ვითარებაში საქმე მაღალ დონეზე შესრულდეს? როგორ ფიქრობთ, ზოგადად, რამდენად საჭიროა მსგავს ვითარებაში თანამშრომლების მოტივაციაზე განსაკუთრებულად ზრუნვა?

ჩვენი ფარმაცევტები, მენეჯერები, კონსულტანტები და აფთიაქში მომუშავე ყველა პერსონალი დღევანდელ გამოწვევებს წინა ხაზზე ხვდება; მათი საქმიანობა პროფესიონალიზმის გამოხატულებაა, ამასთან გმირობაც; აფთიაქებთან მოთავსებულ ციფრულ ლაით-ბოქსებზე ერთმანეთს ენაცვლება პსპ-ს ქსელის თანამშრომლების ფოტოები "ჩვენი გმირების" ჩარჩოთი. შექმნილია შიდა საკომუნიკაციო ჯგუფი, სადაც თანამშრომლები ერთმანეთს საინტერესო სიახლეებს და გამოცდილებას უზიარებენ, რასაც საკმაოდ დადებითი გამოხმარუება აქვს და მათ დიდ ჩართულობას განაპირობებს. აქვე თავსდება ყველა საჭირო რეკომენდაცია და პოზიტიური სიახლე მიმდინარე პერიოდში; ბექ-ოფისის თანამშრომლები ზურგს ვუმაგრებთ, მუდმივ კონტაქტზე ვართ, მადლიერების გამოხატვას არ ვიშურებთ, როგორც ოფიციალური, ისე პირადი ურთიერთობისას. გვინდა, რომ ქსელში მომუშავე თანამშრომლები მუდმივად გრძნობდნენ ჩვენს თანადგომას და მზრუნველობას.

ყველა თანამშრომელი იაზრებს, რომ მათი როლი დღეს განსაკუთრებულია საზოგადოების წინაშე. შესაბამისად, თავადაც მოტივირებულები არიან, რომ პირნათლად შეასრულონ თავიანთი საქმე.