მას შემდეგ, რაც დონალდ ტრამპმა ამერიკის შეერთებულ შტატებში კორონავირუსის გავრცელების გამო საგანგებო მდგომარეობა გამოაცხადა, მსოფლიოში ერთ-ერთმა ყველაზე დიდმა და ცნობილმა სტრიმინგ სერვისმა, ნეტფლიქსმა ყველა ამჟამინდელი პროექტის წარმოება შეაჩერა.

შეჩერებულ პროექტებს შორის ნეტფლიქსის ერთ-ერთი ყველაზე პოპულარული სერიალის, Stranger Things-ის მეოთხე სეზონიც მოხვდა, რომლის გამოსვლასაც მილიონობით მაყურებელი მოუთმენლად ელოდება.

ნეტფლიქსმა ასევე კალიფორნიაში მდებარე ოფისის თანამშრომლები უსაფრთხოების გამო დისტანციურ სამუშაოზე გადაიყვანა.

ნეტფლიქსი ერთადერთი არაა, რომელსაც პანდემიამ გეგმები შეუცვალა: ისეთმა კომპანიებმა, როგორებიცაა Disney, ABC თუ NBC, ასევე ორი კვირით შეაჩერეს ყველა პროექტის წარმოება, სანამ არ ნახავენ, თუ როგორ განვითარდება მოვლენები.

ამერიკაში კორონავირუსით ინფიცირების 2000-ზე მეტი შემთხვევა დაფიქსირდა. გამკაცრებული უსაფრთხოების ზომებიდან გამომდინარე აშშ-მ ევროპის ქვეყნების უმეტესობასთან მიმოსვლა შეაჩერა.