კორონავირუსის გავრცელების გამო, ფორსაჟის მეცხრე ნაწილის პრემიერა ერთი წლით გადაიდო. F9 დიდ ეკრანებზე 2020 წლის 22 მაისს უნდა გამოსულიყო, თუმცა ავტორების განცხადებით, ფილმი 2021 წლის აპრილში გამოვა.

"Universal-სთვის ეს რთული გადაწყვეტილება იყო, მაგრამ საუკეთესო გზაა ფილმის შემოსავლისთვის", — წერს Deadline.

ეს კი იმას ნიშნავს, რომ ქართველ მაყურებელს კიდევ ერთი წელი მოუწევს ლოდინი იმის სანახავად, თუ რომელი ადგილები მოხვდა ფილმში. ფორსაჟის გადაღებები საქართველოში აგვისტოსა და სექტემბერში, 5 კვირის განმავლობაში, 18 აგვისტოდან 22 სექტემბრამდე მიმდინარეობდა. ფილმის გადასაღებ ლოკაციებს შორისაა ვაჟა-ფშაველა, ნუცუბიძე, რუსთაველი და თავისუფლების მოედანი.

პრემიერა ამერიკაში 2 აპრილს შედგება.