ისეთი ცნობილი სატელევიზიო გადაცემა, როგორიცაა ელენ დეჯენერესის შოუ მუშაობის ფორმატს ამერიკაში კორონავირუსის გავრცელების გამო ცვლის: უახლესი გადაცემები აუდიტორიის გარეშე ჩაიწერება.

"COVID-19-ის სწრაფად გავრცელებისა და ჩვენი მაყურებლების უსაფრთხოების გამო 16 მარტს დაგეგმილი გადაცემის ჩაწერა დარბაზში მაყურებლების გარეშე ჩაივლის. ამ დროებითი ზომის შემდგომში გაგრძელება დამოკიდებული იქნება არსებულ მდგომარეობაზე", — აცხადებენ ტელეკომპანია Telepictures-ში.

ელენის შოუსთან ერთად კიდევ ერთი ცნობილი ამერიკული გადაცემის ჩაწერის ფორმატი იცვლება: ჯიმი ფელონის შოუც დამსწრე მაყურებლების გარეშე ჩაივლის.

როგორც უკვე იცით, ცნობილ ჰოლივუდელ მსახიობსა, ტომ ჰენკსა და მის ცოლს, რიტა უილსონს ავსტრალიაში ფილმის გადაღებისას კორონავირუსის ინფექცია დაუდასტურდათ.

შესაბამისად, ტელე და კინოინდუსტრიებიც კიდევ უფრო მკაცრ შეზღუდვებზე გადადიან, რათა კორონავირუსის გავრცელება მაქსიმალურად აირიდონ თავიდან.