2017 წლის 8 იანვარს, სამგზის ოსკაროსან მერილ სტრიპს კიდევ ერთ, ამჯერად სესილი დემილის სახელობის საპატიო ჯილდოს გადასცემენ. ლეგენდარული ამერიკელი მსახიობი 29-ჯერ იყო ნომინირებული ოქროს გლობუსზე და 8 მათგანი სახლში წაიღო კიდეც.

როგორც უცხოური პრესის ასოციაციაში ამბობენ, მერილი პრიზს კინოსამყაროში შეტანილი განუსაზღვრელად დიდი წვლილის გამო იმსახურებს.

პირველად ეს ჯილდო 1952 წელს გაიცა რეჟისორ სესილ დემილიზე, რომლის სახელიც მოგვიანებით ეწოდა საპატიო გლობუსს.

სტრიპი წლევანდელ დაჯილდოებაზე ერთ-ერთ ფავორიტადაც ითვლება თავისი ახალი ფილმის, "ფლორენს ფოსტერ ჯენკინსის" გამო.

სესილ დემილის სახელობის ოქროს გლობუსის მფლობელები თავის დროზე ისეთი კინოხელოვანები გახდნენ, როგორებიც არიან: უოლტ დისნეი, ჯოან კროუფორდი, გრეგორი პეკი, ალფრედ ჰიჩკოკი, ბეტ დევისი, ელიზაბეტ ტეილორი, ოდრი ჰეპბერნი, სოფი ლორენი და ჯოდი ფოსტერი.