ამერიკის ყოფილი ლედის საპატივსაცემოდ კალიფორნიის სკოლას მისი სახელი დაერქმევა. სკოლის ადმინისტრაციამ გადაწყვეტილება კენჭრისყრის შემდეგ მიიღო. უმრავლესობის მხარდაჭერით, უილსონის დაწყებითი სკოლა მიშელ ობამას სახელობის სკოლად გადაკეთდება.

ინიციატივა მშობლებისა და მასწავლებლების ასოციაციას ეკუთვნის. თავდაპირველად სწორედ მათ მიმართეს სკოლის საბჭოს თხოვნით. იდეას მხარი მოსწავლეების და უფროსების აბსოლუტურმა უმრავლესობამ დაუჭირა.

ფოტო: Wilson Elementary School / Facbeook

ასოციაციის პრეზიდენტმა მაიშა ქოულმა განაცხადა:

"გვინდოდა, რომ ვინმე გლობალური დონის აგვერჩია. ახალი სასწავლო წლის განსხვავებულად დაწყება გვსურს, რომ ჩვენმა მოსწავლეებმა უფრო მასშტაბურად დაიწყონ ფიქრი. ისინი მხოლოდ უილსონისა და კალიფორნიის სივრცეში არ უნდა აზროვნებდნენ. გვინდა სჯეროდეთ, რომ მსოფლიოს უკეთესობისკენ შეცვლა შეუძლიათ".

სკოლა, ახალი სახელით ახალ სასწავლო წელს დაიწყებს ფუნქციონირებას. ამ დროისთვის, ახალი შენობის მშენებლობაც დასრულდება.

სიხარულს ვერ ფარავს სკოლის დირექტორი კლაუდია ვალესი:

"ძალიან გვიხარია, რომ ჩვენ სკოლას იმ ადამიანის სახელი დაერქმევა, რომელიც ამერიკის კულტურას და ღირებულებებს ასახავს. ჩვენი სკოლა მულტიკულტურული, თანამედროვე და ინოვაციურია. მოსწავლეები მომავალი გამოწვევებისთვის მოემზადებიან და რა კარიერაც არ უნდა აირჩიონ, ყველგან მაქსიმალურ წარმატებას მიაღწევენ".

უკვე ყოფილი უილსონის სკოლა მეორეა, რომელსაც ამერიკის ყოფილი პირველი ლედის სახელი დაარქვეს. პირველად ეს გადაწყვეტილება ლოს-ანჯელესის სკოლამ მიიღო.

ამავე თემაზე: