ბიზნესკონტრაქტის ინფორმაციით, თურქული კომპანია - ENA Textile ოზურგეთში ZARA-ს ტანსაცმლის ფაბრიკის აშენებას გეგმავს. კომპანია გურიაში რამდენიმე მილიონი დოლარის ღირებულების ინვესტიციას განახორციელებს.

როგორც გურიის გუბერნატორმა, გია სალუქვაძემ განაცხადა, პროექტის განახორცილების შედეგად, საწარმო 1000-მდე ადგილობრივ მაცხოვრებელს დაასაქმებს:

"გურიის რეგიონში ინვესტიციების განხორციელებისთვის ყველანაირი პირობა არსებობს. მსგავსი სახის პროექტები რეგიონის ეკონომიკურ მდგომარეობას მნიშვნელოვნად გააუმჯობესებს. ქალაქ ოზურგეთში არსებული ფართების შესწავლის შემდეგ მოლაპარაკება შემდეგ ეტაპზე გადავა. ჩვენ კომპანიას პროექტის წარმატებით განხორციელების საქმეში სრულ მხარდაჭერას ვუცხადებთ".