თურქეთმა ვიკიპედიაზე აკრძალვა სამი წლის შემდეგ გააუქმა. ამის შესახებ ინფორმაციას ამერიკის ხმა ავრცელებს. მათივე ცნობით, ონლაინ ენციკლოპედიაზე აკრძალვა თურქეთის საკონსტიტუციო სასამრთლომ გააუქმა. სასამართლოს გადაწყვეტილებით ვიკიპედიის აკრძალვა გამოხატვის თავისუფლებას არღვევდა.

2017 წლის აპრილში თურქეთში ვიკიპედია იმის გამო აიკრძალა, რომ ვებგვერდმა არ ამოიღო ინფორმაცია, რომლითაც თურქეთის მთავრობას ტერორისტული ჯგუფების დახმარებაში ადანაშაულებდა.

თურქეთის გარდა, ჩინეთია მსოფლიოში მეორე ქვეყანა, სადაც ვიკიპედიაზე წვდომა აკრძალულია.