შინაგან საქმეთა სამინისტროს ინფორმაციით, დაკავებულია კაცი, რომელსაც ბრალად ედება ცოლის თვითმკვლელობის მცდელობამდე მიყვანა და მისთვის თავისუფლების უკანონოდ აღკვეთა.

შსს-ს ცნობით, ბრალდებული ცოლზე სისტემატურად ძალადობდა. ამავე ინფორმაციის თანახმად. ქალმა თვითმკვლელობა მას შემდეგ სცადა, რაც მეუღლემ მას თავისუფლება უკანონოდ აღუკვეთა.

სამინისტროს განცხადებით, სამართალდამცავებმა მომხდარი ფაქტის შესახებ მაშინ შეიტყვეს, როცა ქალი თვითმკვლელობის მცდელობის შემდეგ საავადმყოფოში გადაიყვანეს.

გამოძიება ოჯახის წევრის მიმართ ჩადენილი ძალადობის, თვითმკვლელობის ცდამდე მიყვანისა და თავისუფლების უკანონო აღკვეთის საქმეზე საქართველოს სისხლის სამართლის კოდექსის 126¹ მუხლის პირველი ნაწილით, 11¹-115-ე მუხლისა და 11¹-143-ე მუხლის პირველი ნაწილებით მიმდინარეობს.