გერმანიის კანცლერი, ანგელა მერკელი 6 დეკემბერს ოსვენციმის საკონცენტრაციო ბანაკს პირველად ეწვევა. ნაცისტური რეჟიმის პერიოდში ოსვენციმში 1,1 მილიონი ებრაელი მოკლეს.

ოსვენციმის ბანაკში გერმანიის კანცლერები აქამდეც ყოფილა. 1977 წელს მას ჰელმუტ შმიდტი ეწვია, 1989 და 1995 წლებში — ჰელმუტ კოლი. ბოლო 24 წლის განმავლობაში კი გერმანიის კანცლერი ოსვენციმს პირველად ეწვევა.

ანგელა მერკელი ღონისძიებაში მონაწილეობას ბანაკში გადარჩენილებთან და პოლონეთის პრემიერ-მინისტრთან, მატეუშ მორავეცკისთან ერთად მიიღებს.

მეორე მსოფლიო ომის პერიოდში ექვს მილიონზე მეტი ებრაელი ჰოლოკოსტის მსხვერპლი გახდა. ნაცისტების მიერ ოკუპირებულ პოლონეთში ოსვენციმი-ბირკენაუს გაზის კამერები და კრემატორიუმი ოსვენციმის ბანაკთან ახლოს იყო აშენებული.

როგორც BBC წერს, კანცლერის ვიზიტი ოსვენციმის ბანაკში გერმანიაში გაზრდილ ანტისემიტურ განწყობებსა და ბანაკის გათავისუფლების 75 წლისთავს ემთხვევა.

ოსვენციმის გათავისუფლების წლისთავი 27 იანვარს იქნება, თუმცა მერკელმა პოლონეთში გამგზავრება ახლა გადაწყვიტა. ის ოსვენნციმი-ბირკენაუს ფონდმა მიიწვია, რომელიც ბანაკს უვლის, როგორც მემორიალს და გაფრთხილებას შთამომავლობისთვის.

მერკელი წუთიერი დუმილით პატივს მიაგებს დაღუპულებს ე.წ. შავ კედელთან, შემდეგ კი ბირკენაუს სიკვდილის ბანაკში ყვავილებს მიიტანს.